وداعك موت

اهداء الى كل اعضاء نادي الاصدقاء

اجيت اليوم اودعـــك حاير اشلـــــــون
روحــــــي بيدك انت ورايـــــــــد اوداع
اجيتــــــك والكَلب ايجــــــــر بالانفاس
واشـــــــــــوف الموت كَرب مني اذراع
خايف من اودعــــــــــك ما اعيشاً راح
وتاخذ روحي منـــي واني اموت ابساع
علــــمني انتظر لو بية طـــــــال اجفاك
وعلمنــــي الصبر لو مني صبرك ضاع
خايف مــــــــــن تردلي اني ما موجود
وخبــــــر موتي بأذاعة تسمـــــــع انذاع
لان بعـــــدك جـــــــــرح ما اظنة يطيب
وجثيــــرة اجـروح بية وكلهن اوســـــاع
وجرح حبـــــك غميج وينزفلك اشواك
وخلص عمري بجرح مــــــــا بطل اوجاع
مـــــاي وكــــَاع عشرتنة صار اسنين
ومــــن مايـــك يشــــــــح هم تنفــــع الكَاع
انة بعمري شريتك وانـــي جنت بعوز
وال ينشرة بالعمـــــر هـــم كَلـــــــي ينباع
سفــــــــان ابحرت بشواكَك من اسنين
وهسة شلــــون اجيلك وانــــي دون اشراع
لتصدكَ اعوفك لو عني صرت ابعيــــد
بعروكَي يمشي الوفة وهــــاي بية اطبــــاع
بس ارجع حبيبي ولا يهمــــــك خوف
اســـــــويلك درع مـــن هـــــــــاي الإضلاع